Даўно я нічога не пісаў, дык хай во хаця б у мобе паўдзельнічаю. І вас запрашаю.(;

Ня тое, каб я так ужо хацеў атрымаць літару "М", але ж...

1. Маці. Усё проста, бо зь яе ўсё пачынаецца.
2. Мара. Калі ў чалавека няма мары, ён не жыве.
3. Міліцыя. Ну куды ж безь яе, родненькай, заШШЫТніцы.
4. Музыка. Граю сам, люблю, калі добра граюць іншыя, увогуле люблю якасную музыку. Ад метала й да блюза, а недзе паміж імі - клясыка.
5. Мандарынкі. Смааачненькія і жоўценькія.(:
6. Майстэрства. Адзін са складнікаў таго, што можна назваць удалым жыцьцём, - гэта калі чалавек стаў майстрам у якой-небудзь справе (майстар літрбола ці майстар гульні на нэрвах ня лчацца)).
7. Матэматыка. Яшчэ некалькі дзён таму этая навука займала даволі значную частку майго жыцьця...
8. Магія. Заўсёды цікавіла мяне, але штосьці не атрымоўваецца ў мяне нават на картах гадаць.
9. Малако. Мала таго, што яно займала значную частку жыцьця ў самым яго пачатку(:, дык і зараз з задавальненьнем яго спажываю.
10. Менск. Горад, дзе я нарадзіўся. Горад, дзе я жыву. Горад, які я люблю. Мая малая Радзіма.

А ўмовы наступныя: адпісваецесь у камэнтах, я даю вам літару, а вы мусіце напісаць у сваім жж 10 словаў, якія пачынаюцца з гэтай літары ды адыгрываюць у вашым жыцці нейкую ролю.

Штосьці ссумаваўся я па флэшмобах, а тутака як раз у fnadezhda пабачыў...

Карацей, сэнс наступны: вы пакідаеце камэнт, пацьвярджаючы, што вы згодны ўдзельнічаць, я абіраю ў вас са сьпісу зацікаўленасьцей 5 штук, а вы пішаце асацыяцыі зь імі ці тлумачыце, чаму яны ў вашым сьпісе, у сваім жж.

Мне дасталіся:

зьязджаць з глузду - //думка: нахалеру я дадаў гэта ў свой сьпіс?..))// файныя людзі, старыя знаёмыя, каханая... з усімі гэтымі людзьмі мой розум пачынае па-іншаму працаваць, у пэўным сэньсе зьязджаць з глузду.
каханьне - ну гэт' нават і не зацікаўленасьць, гэта частка мяне... увогуле лічу, што лепш хаця б адзн раз у жыцьці, хаця б неўзаемна, але шчыра й моцна закахацца, чымся не кахаць нікога й ніколі.
пары года - упэўнены, што сапраўды ў "природы нет плохой погоды", кожная зь іх па-свойму прыгожа. і мне складана разумець людзей, якім, напрыклад, не падабаецца зіма, бо яна халодная. спачатку пісаў у зацікаўленасьцях "вясна", "лета", "восень", "зіма", ну а потым дзеля эканоміі аб'яднаў у адну вяліку зацікаўленасьць.
строіць дурня - вельмі ўдала гэтым займаўся ў каледжы разам з хаўрусьнікамі, зараз вось і ва ўніверы працягваю, але ўжо меньш, бо мы ж цяпер дарослыя, студээнты.))
хай-тэк - шкло, метал, блікі, адлюстраваньні, сучасны стыль у архітэктуры, які мне падабаецца. зрэшты як і мадэрн, дэканструктывізм і готыка разам зь неаготыкай.

Спадзяюся, я задаволіў вашую зацікаўленасьць?(;

Ну вось, замест таго, каб на выхадных сесьці за два заданьні па праэкту й графіцы, зноў біў лынды. Учора ўсё скончылася вячэрняй гульнёй у шахматы з бацькам (дарэчы, вельмі цікавая партыя атрымалася, вылажу з аналізам трохі пазьней), ну а сёньня неяк нечакана высьветлілася, што бабуліна-дзядулінаму шлюбу сёньня споўнілася 46 год. Таму паўдні прайшлі за сьвяточным сталом.
У выніку ўсяго гэтага за пляншэты сеў толькі зараз, увечары. А заўтра апрацэнтоўка, а адзін пляншэт пакуль ня вычарчаны, толькі раніцай нацягнуў яго. Ну, шчыра кажучы, часу павінна хапіць. Спадзяюся.(:

Ну а вам прапаную адзін моб. Не сказаў бы, што ён да мяне трапіў у абавязковым парадку - сп. kapialush нават закрэсьліў апошні пункт пра абавязковасьць,- але чаму б і не?(;

Таму рабіце наступным чынам:

вы пакідаеце любы камэнт, а я вам адкажу на наступныя пытаньні:

1. Скажу, чаму дадаў вас да сьпісу сяброў.
2. Скажу, з чым вы ў мяне асацыюецесь
3. Скажу, што мне ў вас падабаецца
4. Назаву які-небудзь свой ўспамін пра вас.
5. Спытаю ў вас тое, што даўно хацеў ведаць.
6. Скажу, які з вашых юзэрпікаў мне найбольш падабаецца.
7. А вы за гэта можаце працягнуць гэты моб у сваім дзёньніку. А можаце й не пакінуць працягнуць.(;

Ну вось ад kabierac наступны моб.

5 пунктаў з жыцьця, якія мне не падабаюцца:

1. Мне не падабаюцца аська й смскі. Я трохі нэрвую, калі ня бачу субяседніка ці хаця б ня чую яго голас. Бо часам адным словам, але з рознай інтанацыяй можна выраззіць зусім супрацьлеглае. І самйлікі не дапамагаюць. Але карыстаюся, бо часам гэта лепшы й зручнейшы сродак зьвязацца з чалавекам.
2. Мне не падабаецца, калі чалавек побач са мной нешта бубніць пад нос, выглядае пакрыўджаным на ўвесь сусьвет, яшчэ й адказвае няветліва, але на пытаньне "Што здарылася?" адказвае "Нічога, усё нармальна". Так і хочацца паслаць яго ў дупу. Ці трымай у сябе, калі ня хочаш адказваць, ці зьмяні настрой, калі ўсё насамрэч армальна.
3. Мне не падабаюцца некаторыя выкрутасы жыцьця, якія часам здараюцца. Калі на дзесяць, сто, тысячу мажлівых варыянтаў, яно знойдзе яшчэ адзін, самы неверагодны. Але з гэтым нічога ня зробіш, як кажуць сабака брэша, а караван ідзе. Таму проста жывем і маем на ўвазе.
4. Мне не падабаецца электаральная маса нашай краіны, якая складае, напэўна, 60-70% ад усяго насельніцтва, калі ня болей. Людзі, заклапочаныя рознымі праблемамі ад "дзе ўзяць грошы на бутэльку танна-смачнага віна" да "як бы атрымаць чарговую прэмію на працы" праз "пасьпець бы набыць латэрэю Супэрлато", што знаходзіцца дзесьці пасярэдзіне. І галоўнае ня клопаты, галоўнае тое, чым яны абмежаваны. А абмежаваны яны сабой ды максымум сваёй сямьёй. Думаць пра большае, чым пра шкварку з чаркай, яны, напэўна, ня здольныя.
5. Мне не падабаецца адзіноцтва. Тлумачыць, спадзяюся, ня трэба?

І безумоўна трэба яшчэ абраць пяць фрэндаў, якія далей будуць пісаць пра сябе ў сваіх жж. Тэкс, гэта будуць... Божухна, каго ж абраць... chatlanka, irisation, licvinkabelarus, wal_de_maar, zorka_venera.

ЗЫ. Паўгадзіны пісаў, ніяк ня мог узгадаць, што ж мне ўсё-ткі не падабаецца. Дарэчы, ёсьць яшчэ пару незапісаных пунктаў, як раз на наступны моб, таму калі ёсьць яшчэ жадаючыя - зьвяртайцеся, працягнем!(:

Ад ru_tyan атрымаў сваю порцыю пытаньняў. Калі жадаеце таксама нагрузіцца - калі ласка, адпісвайцесь, зь мяне пяць пытаньняў.

0001. Если бы тебе предложили написать книгу, какой бы язык ты выбрал для каждого из основных жанров? Предположим что знаешь ты все и проблема лишь в выборе.

На падобнае пытаньне ў свой час адказаў адзін францускі кароль (Луі 16, ці Людовік 14, ці мабыць увогуле які-небудзь яшчэ). Ён казаў: "З Богам я буду размаўляць па-гішпанскі, з жанчынай па-італьянскі, са слушным чалавекам па-францускі, а з маім канём па-нямецкі".
Складанасьць у тым, што я ня ведаю столькі моў, каб вырашыць, якая да чаго падыдзе.

0010. Есть ли у тебя вещи, которые ассоциируются с работой, с какой-то напряжённой умственной деятельностью в целом?

Падручнік па вышмату, напэўна. (:
Гм, яшчэ кіпа бацькавых чарцяжоў. Больш нічога ўзгадаць не атрымліваецца.)

0011. Почему ты слушаешь то, что слушаешь? Нет, я понимаю что нравится =) А по какому критерию нравится? На какие мысли наводит?

Усё залежыць ад настрою. Мне падабаюцца сакавітыя hard'овыя басовыя рытмы, падабаецца энэргія, якой насычаны мэталёвыя песьні, летуценныя, імклівыя gothic-гурты зь дзіўным вакалам уносяць мяне ў халодныя паўночныя нябёсы, дзе ёсьць бязьмежная вольнасьць палёту па-над хмурнымі засьнежанымі лясамі й руінамі храмаў, фолк адсылае мяне да мінулага, джазавыя й блюзавыя імправізацыі проста мяне захапляюць сваёй непаўторнасьцю. Таксама добра, калі словы прымушаюць задумацца над чым-небудзь. Увогуле, ад музыкі, якая мне падабаецца, у мяне пачынаюць бегчы мурашкі.
Кароценькі сьпіс гуртоў й выканаўцаў: Iron Maiden, Nightwish, Within Temptation, DIO, Deep Purple, Manowar, Judas Priest, Catharsis, Fleur, Bill Evans, Ben Webster, Мельница, Ария, Кипелов, Машина Времени, з большага, здаецца, усё.

0100. По каким соображения ты выбрал свою специальность?

Ну ты ж ведаеш, што мне раней падабалася машынкі маляваць? Ну вось, сапраўдных дызайнерскіх факультэтаў па гэтай галіне я ў свой час не знайшоў (да таго ж, пэрспэктывы распрацоўваць новыя мадэлі аўтобусаў ды трактароў мяне зусім не захаплялі), а архітэктура была ў мяне на другім месцы ў сьпісе зацікаўленасьцей. Добрая прафэсыя, будаваць людзям будынкі, каб яны там жылі. Гэта ж насамрэч вельмі захапляльна!

0101. Чем ты больше руководствуешься в жизни, здравым смыслом или чувствами?

Вай, ну й пытаньне.) Напэўна, больш пачуцьцямі. Ня ведаю, добра гэта ці кепска, але пакуль што жывем па трохі.)

Чарговы флэшмоб. Зноў са здымкамі. Атрыман ад drapeznik. Трэба праілюстарваць тры свае зацікаўленасьці малюнкамі.
Мне былі абраныя наступныя: "психологические триллеры, звёзды, готические соборы".


знойдзена ў гугл-пошуку па запытаньню "психологические триллеры"


"звёзды"


гатычны сабор у Рэймсе, 1211-1330 гг.

Сэнс гэтага наступны: адпісваецесь у камэнтах, я кажу вам нумар папкі са здымкамі і нумар здымка. Вы адлічваеце патрэбныя папку і здымак і зьмяшчаеце ва ўласным жж.
Атрымана ад fnadezhda.


А зараз піяр:
http://czalex.livejournal.com/600983.html
[no comments]

drapeznik запытаў у мяне наступныя пытанні:

1. Якая твая самая ўлюбёная песьня?
2. А архітэктурны стыль? (пытаньне па спэцыяльнасьці)
3. Ці хочаш што-небудзь зьмяніць у навакольлі (непалітычнае)?
4. Напрыклад, табе трэба на доўгі час з'ехаць. І ты маеш права ўзяць з сабою толькі адну рэч. Якую?
5. Чаму ты завёў ЖЧ?

---

1. Цяжка вызначыць. Я нават ня ведаю, які ў мяне ўлюблёны гурт. Але вось учора ў мяне запыталіся, якая з песень Флёра мне найбольш падабаецца. Таму вось і тут напішу: у залежнасці ад настрою гэта альбо "Синие тени", альбо "Горизонт", ці яшчэ "Друг, которыый...".
І гэтак далей па кожнаму з гуртоў, якіх я слухаю...))
2. Готыка. Асабліва "пламянеючая".
3. Хм, мабыць каб людзі сталі больш усьміхацца? Ня ведаю, непрыемна мне ісці ў шэрым натоўпе з аднолькавымі тварамі, на якіх напісаны ўсе іх клапоты ды хваробы. Дарэчы, гэта адбудзецца, калі яны стануць хоця б крышачку шчасьлівымі.
4. Я б узяў, напэўна, грошы. Даляры ці эўрыкі. Прагматычна, але...
5. Амаль што год назад я ўбачыў жч адной маёй знаёмай, ананімныя камэнты былі забаронены, таму я і зарэгістраваўся. А потым стала цікава, а потым знайшліся яшчэ знаёмыя з сваімі жч, ну і гэтак далей.)

---

ЗЫ. Правілы: пакіньце камент і я задам Вам 5 сваіх пытаньняў, адказвайце на іх у сваім ЖЖ непадзамочным пастом, калі, канешне, хочаце :) Нікога не прымушаю.