Як многім вядома, тыдзень 21-27 студзеня абвешчаны тыднем лацінкі. Спрэчкі аб тым, што лепш выкарыстоўваць у пісьме – кірыліцу ці лацінку, сьцягваюць да сябе ўсё больш людзей. Мяне зацікавіла выкарыстоўваньне розных альфабэтаў і шрыфтоў на працягу нашае гісторыі і прымусіла зьвярнуцца да некаторых крыніц, на падставе якіх і атрымаўся наступны артыкул. Напэўна для большасьці чытачоў зьвесткі, прыведзеныя ў ім будуць добра вядомыя, але ж калі знойдуцца хаця б некалькі чалавек, для якой інфармацыя будзе новай і карыснай, можна казаць, што мэта напісаньня дасягнута.
Да таго ж да прыведзеннай інфармацыі ні ў якім разе нельга ставіцца як да аксіёмы, яна толькі адлюстроўвае мае погляды на пытаньне, і мусіць быць штуршком для ўласных дасьледваньняў, а не нейкім падручнікам.

( чытаць )

А вам я пакідаю наўздагон апытанку:
Апытаньне #1127591
Open to: усім, detailed results viewable to: усім

Які альфабэт, на вашу думку, лепшы для выкарыстоўваньня ў беларускай мове?

Мдзя, час здачы курсавых падкраўся, як заўжды, непрыкметна. А ордэр яшчэ толькі напалову, а на графіку няма нават нацягнутага планшэту… Таму вось зараз адпачну гадзінку, пасьнедаю і пачну працаваць. Мой уласны архітэктурны тыдзень пачынаецца, да панядзелка трэба зрабіць два праэкта. Жах, але ўсё ж такі мой гадзіньнік падказвае, што часу дастаткова. Як раз каб пасьпець.)

Дарэчы, з прыемных навінаў. Я ўрэшце рэшт атрымаў падручнікі (гэта яшчэ не прыемная навіна)), а зь імі вышмат на беларускай мове, са слоўнікам. А складала гэты падручнік тая самая Гудзень у складзе іншых настаўнікаў.

І ня ведаю пакуль, як ставіцца да новага закону “Аб правілах беларускай арфаграфіі і пунктуацыі”. У навінах, зь якіх я й даведаўся пра яго, казалі, што тэкст закону можна знайсьці на сайце МінАдукацыі: http://www.minedu.unibel.by/ . Там нічога няма. Дарэчы, калі вы знойдзеце якія-небудзь спасылкі на зьмест закону, камэнтуйце, калі ласка. Пакуль што ёсьць толькі вось гэта :
Свой выступ Радзькоў закончыў наступным чынам: “Гэты закон стане дзейным сродкам спыненьня практыкі непрадуманага і па сутнасьці супрацьзаконнага ўжываньня ў пэрыёдыцы так званай “тарашкевіцы”, паведаміла “Радыё Свабода”.
Хаха, яны б яшчэ за выкарыстаньне тарашкевіцы на нэт-абшары зачынялі б старонкі, а іх уладальнікаў сажалі б на нары.
На маю думку, закандаўчае ўмацаваньне нормаў правапісу, якія заснаваныя на рэформах 53-57 гг.- гэта крок у нікуды, таму што пры саветах ішла поўнамаштабная русіфікацыя мовы. Наадварот, трэба вяртацца к граматыцы Тарашкевіча як да апошняй спробы сапраўды сабраць і ўдасканаліць беларускую мову.
Яшчэ заўвага: чаму НІ НА ВОДНЫМ дзяржаўным сайце няма беларускага варыянту? У лепшым выпадку можна знайсьці ангельскі. А на той жа старонцы МінАдукацыі, у расейскім варыянце з самым пачатку на жоўтым фоне нейкімі жудаснымі літарамі ўсё ж такі напісана, куды вы папалі.