У роспачы ад таго, што ўчорашнюю сустрэчу з панам Вольскім адмяніў, а, дакладней, перанёс, сам пан Вольскі з-за нечаканай хваробы, набыў, не пашкадаваўшы 19 тысячаў, кружэлку з альбомам.
Самі песьні даўно былі ўжо спампаваны зь сецівы, кліп таксама быў убачаны, але ж вось усё роўна не шкадую, што набыў альбом.
Па-першае, падтрымаў айчаннага музыку.(:
Па-другое, там ёсьць караоке. Музцэнтра з функцыяй караоке ў мяне няма, але тым не менш.(:
Па-трэцяе, там ёсьць тэксты песень зь гітарнымі акордамі. А гэта ўжо карысна.
Па-чацьвертае, там ёсьць даволі мілая прадмова ад пана Вольскага.
І па-пятае, там ёсьць вясёлы слоўнічак, вытрымкі зь якога вы можаце ўбачыць ніжэй, пад катам.

( вытрымкі са слоўнічка )

Мяркую, што ў песьні "Тэрмінатар" ёсьць усе шанцы стаць народнай.(:

Упэшце рэшт да мяне патрапілі два адносна новыя альбомы Nightwish - Dark Passion Play ды Within Temptation - The Heart Of Everything.
Што можна пра іх сказаць пасьля першаснага хуткага агляду?
У новай вакалісткі найт’уішаў сапраўды голас набліжаны да ўізынаўскага. Гэта ня добра і ня кепска. Проста Тар’і больш няма ў гурце. Альбом Dark Passion Play пакідае ў агульным добрыя ўражаньні. Гурт застаўся верным сабе, адсылаючы рознымі кампазыцыямі да Oceanborn’a, Century Child ды нават Angels Fall First. Добра збалансаваныя музыка й вакал, вельмі моцная першая песьня The Poet And The Pendulum, трохі зацягнутая, але тым ня меньш. Ва ўсялякім выпадку, гэты альбом прашацца ў маім плэеры ня меньш чым на пару тыдняў.
The Heart Of Everything. Гм, я й раней не зьяўляўся аматарам усіх песень Within Temptation, становішча пасьля гэтага альбому не зьмянілася. Складваецца ўражаньня, што па стылю ён больш набліжаны да Dark Princess (Olga Romanova), калі хто ведае. Зразумела, што й вакал, і музыка іншыя, але вось і тыя і тыя неяк давяць на вушы. Альбом неблагі, але на плэер ён пападзе пасьля ампутацыі пэўай частцы. Усё ж такі з гэтага гурта мне больш падабаюцца творы кшталту See Who I Am, Forsaken, Stand My Ground.