Працягваючы тэму "Працэсу 14-ці".

17.05 Судзьдзя пачаў чытаць прысуд. Ён прызнаў падсудных вінаватымі. Пракурор запатрабаваў Паўлу Вінаградаву, Максіму Дашуку і Міхаілу Субачу па два гады абмежаваньня волі.

17.08 Судзьдзя агучыў прысуд: П.Вінаградаву і М.Субачу па два гады абмежаваньня волі, непаўнагадоваму М.Дашуку -- 1,5 гады.

Пракурор - Лук'янаў.
Судзьдзя - Валерый Есьман.
Запомніце гэтыя імёны.

Працягваючы тэму "Працэсу 14-ці".

Менавіта гэтая песенка сядзела ў маёй галаве, калі я выходзіў з суда, але аба ўсім па чарзе.

( чытаць )

Пасяджаньне скончылася а 18:25.

Вынікі дню - ніхто, акрамя Падбярозкіна, абвінавачваных не апазнаў, на відэё людзі, падобныя на іх, ёсьць толькі ў адным моманце.
А самі відэаматэр'ялы сталі сапраўдным цвіком нумару. Усе: і слухачы, і суд, і сакратарка, і пракурор, і абвінавачаныя з адвакатамі, - выглядалі пад канец сапраўднымі пацыентам Навінак.

Працяг - заўтра, 27.05, пачатак а 10:15. І калі працэс будзе ісьці такімі ж тэмпамі, то заўтра будзе прысуд.

Працягваючы тэму "Працэсу 14-ці".

Пачатак прцэсу над Міхаілам Субачам, Паўлам Вінаградавым і Максімам Дашуком перанесены на 26 траўня. Пачатак а 9:30.
(са спасылкай на Svaboda.org)

Працягваючы тэму "Працэсу 14-ці".

У пятніцу, 23 траўня, у Цэнтральным судзе, што на Кірава, 21, пачнуць разглядаць справы застаўшыхся чатырохтрох удзельнікаў "Працэсу 14-ці". Прыходзе, пачатак а 9:30.
Міхаіл Субач, Павел Вінаградаў і Максім Дашук.
Аляксандар Баразенка з матэр'яламі справы не азнаёміўся, бо ў Беларусі яго зараз няма.
Патдрымайце людзей!

Працягваючы тэму "Працэсу 14-ці".

Гледзячы на вынікі апошніх судовых спраў, я ня вельмі зьдзіўляюся прысудам, бо ведаю, адкуль растуць ногі нашай судовай сістэмы.
Але! Спадарства! Усе гэтыя справы прайшлі літаральна за адзін тыдзень. Больш таго, прысуды былі абвешчаны цягам двух дзён, адзін за адным.
Што мы маем:
1. 22.04. Кім - 1,5 гады калёніі аульнага рэжыму; разам зь ім Бондар, Дубскі, Крываў, Пашкевіч, Стральцоў, Чарнышоў, Цішкевіч - 2 гады "хіміі" па месцу працы без накіраваньня ў папраўчыя ўстановы; а таксама Койпіш і Сяргееў - 3 млн 500 тыс.руб штрафу. (працэс асьвятляўся ў маім жж, адзін з апошніх допісаў - прысуд, а таксама глядзіце допісы nicolaev'a )
2. 23.04. Парсюкевіч - 2,5 гады турмы і штраф 1 млн 100 тыс.руб у якасьці маральнай кампэнсацыі. ( невялічкая інфармацыя па ягонай справе )
3. 23.04. Сіўчык - 15 сутак за ўсталяваньне крыжа ў памяць жыхарам спаленай партызанамі вёскі! ( інфармацыю глядзець тут )
4. 23.04. За шпацыр 30 чалавек па Гомелю асуджаны Працко і Шапавалаў на 7 і 10 сутак. Кутасаў аштрафаваны на 525 тыс.руб. Суду чакаюць Няпомняшчы, Адаменка, Бублікава,[гл.UPD] Трыфанаў, Тульжэнкава. ( інфармацыю глядзець тут )
UPD: 5. 23.04. Пэнсіянэра Няпомняшчага асудзілі на 15 сутак. Адаменка - штраф 20 баз.вел, Бублікава і Кутасаў - па 15 баз.вел. ( інфармацыю глядзець тут )
UPD: 6. 10.04. Зьміцер Лісеенка асуджаны на 10 год ( інфармацыю глядзець тут ) -па просьбе minskiy_virtual у by_politics.

А тым часам, сваёй чаргі па "Справе 14-ці" чакаюць Баразенка, Вінаградаў, Дашук і Субач.

Інакш як канвэйерам падзеі апошніх дзён я назваць не магу. Застаецца толькі чакаць, што улады рыхтуюць да Чарнобыльскага шляха, які пройдзе, між іншым, па маршруце, зацьверджаным Мінгарвыканкамам.

Не забудзем!

Працягваючы тэму "Працэсу 14-ці"

"Польский фонд «Свобода и демократия» (Wolnosc i demokracja) выступил с заявлением о полной компенсации ущерба осужденным сегодня активистам.

Тем, кто получил штрафы, их компенсируют на 100%. Тем, кто получил исправительные работы, вернут 20% зарплаты, которые забирает государство, сообщает «Радыё Свабода».

Что касается Андрея Кима, то ему будет выплачена компенсация в размере суммы, которую он мог бы заработать, нормально работая все то время, которое он находится за решеткой.

«Фонд самостоятельно свяжется с приговоренными. Я очень прошу наших белорусских друзей не волноваться – все будет компенсировано. Можно сказать, что белорусская репрессивная машина в этом смысле стала неэффективной», заявил «Свабодзе» представитель фонда Марек Бутько." ( http://www.charter97.org/ru/news/2008/4/22/6005/ )


А тым часам, Аляксандр Атрошчанкаў быў адпушчаны пасьля састаўленьня пратаколу.

Пэўным чынам у працяг мінулага допісу па тэме "Працэсу 14-ці".

Скончыўся ўчора суд над дзесяцьцю з чатырнаццаці абвінавачваных па "Працэсе 14-ці". Пачаўся суд над Парсюкевічам. Неўзабаве пачнецца суд над застаўшыміся чатырма па "Працэсе 14-ці". Што пакажуць вынікі гэтых судоў? Хутчэй за ўсё тое ж самае, што й учорашні прысуд.
На жаль, большасьць людзей у нас проста баяцца падняць свой азадак і зрабіць што-небудзь, што не ўваходзіць у праграму "праца-ежа-дзеці-сон-магчыма_адпачынак". На жаль, большасьць людзей у нас проста баяцца падумаць самастойна, прыйсьці да якіх-кольвек вынікаў, не абапіраючыся на словы дзяржаўных медый. На жаль, ёсьць і такія, хто здолеў прыладзіцца да дзяржаўнай кармушкі й мяркуе, што гэта будзе цягнуцца вечна.
Шчыра кажучы, мне брыдка думаць, што мой сусед у пад'езьдзе, паголены мужык спартовага выгляду, зь якім я час ад часу вітаюсь, калі мы бачым адно аднаго, працуе аднім вось з такіх ахоўнікаў у цывільным, якія былі ў тым ліку й на судзе. Гэта проста зграя шакалаў, якія штосьці ўяўляюць толькі калі знаходзяцца разам. І тое, здольныя толькі на тое, каб за падачку кіраўнікоў выканаць любы загад. Ды й нават шакалы болей вартыя павагі, таму што яны паводзяць сябе так выключна дзеля свайго пражыцьця.
Мне брыдка думаць, што цётачка, якую я бачу ў транспарце, можа стацца судзьдзёй кшталту Ільліной. А яе сусед - пракурорам Рамашэўскім.
Людзі, якія зьяўляюцца шрубкамі сістэмы, зрабілі свой выбар, забілі сваё сумленьне. Мы зрабілі свой. І ўсё, болей размаўляць зь імі тут не аб чым.

А што тычыцца тых самых людзей, пра якіх напісана ў другім абзацы, - дык вось вам прыклад.
( прыклад )


Дарэчы, раю ўсім паглядзець жж сп. nicolaev. Лепшых падборак спасылак на розныя крыніцы інфармацыі па актуальных тэмах я яшчэ ня бачыў. З апошняга - Андрэй Кім - 32.

У працяг мінулага допісу.

Судзьдзя сапраўды выканала сваё абяцаньне абвясьціць прысуд не раней за 11:00. Бо гэта было зроблена толькі а 13-й гадзіне.
Увесь час дагэтуль у суд нікога не пускалі. Абвінавачваныя, адвакаты й журналісты маглі праходзіць ва ўнутраны дворык, а ўсе астатнія чакалі на вуліцы. Рабіць было няма чаго, усе стаялі й чакалі, выказваючы свае меркаваньні наконт таго, калі ўсё ж абвясьцяць прысуд. Стаялі й ахоўнікі ў штацкам побач са спэцназаўцамі, ахоўваючы ўваход. А вось спэцназаўцы, якія стаялі насупраць, праз вуліцу, знайшлі сабе фаны занятак: яны ўдвух пачалі кадымаць каменьчыкі зь зямлі й кідаць іх праз агароджу "Дынама", імкнучыся патрапіць у круглыя адтульны ў агароджы. Потым, калі ім гэта надакучыла, яны пайшлі да бліжайшага дрэва й пачалі ці то пільна разглядаць яго кару, ці то штосьці на ёй пісаць. Карацей, забаўляліся як маглі. У мінулы раз, дарэчы, яны пачалі жаваць лісьце з хмызьняку.

Нарэсьце пачаўся гэты пяты дзень працэсу.
( чытаць )

Абвінавачваныя Бондар, Дубскі, Крываў, Пашкевіч, Стральцоў, Чарнышоў і Цішкевіч прызнаны вінаватымі па ч.1 арт.342 УК РБ. Іх віна, як палічыў суд, цалкам даказана. Прысуд - 2 гады абмежаваньня свабоды без накіраваньня ў папраўчыя ўстановы. Застаючыся пад падпіскай аб нявыезьдзе, усе яны будуць працаваць па сваім асноўным месцы працы, сплочваючы 20% ад заробку.
Абвінавачваныя Сяргееў, Койпіш прызнаны вінаватымі па ч.1 арт.342 УК РБ. Іх віна, як палічыў суд, цалкам даказана. Прысуд - штраф 3 млн 500 тыс.руб. з кожнага.
Абвінавачваны Кім прызнаны вінаватым па арт.364 УК РБ. Яго віна, як палічыў суд, цалкам даказана. Прысуд - 1 год 6 месяцаў пазбаўленьня свабоды з накіраваньнем у папрачую калёнію агульнага рэжыму. Тэрмін пачынаецца ад 21.01.
Таксама з кожнага сыскана па 3 тыс 500 рублёў на судовыя выдаткі.
Акрамя таго, прызнаць за транспартнымі ўстановамі права на пакрыцьцё шкоды шляхам падачы грамадзянскіх іскаў.
Прысуд можа быць аспрэчаны ў Цэнтральным судзе ў дзесяцідзённы тэрмін з моманту яго абвяшчэньня.

( далей )


Такім чынам, прынамсі двум далі штраф, астатнім "хімію", але ж без накіраваньня ў іншы горад. Ну й Кім, канешне ж, Кім. Паўтары гады. І ўсё гэта толькі за тое, што яны прыйшлі падтрымаць людзей (а некаторыя й самі былі прадпрымальнікамі ці займаліся гэтай дзейнасьцю раней), выказалі сваю грамадзянскую пазыцыю. Бо кожны, хто быў, хто бачыў гэты фарс, гэтыя так званыя доказы, ведае, што яны не вытрымліваюць аніякай крытыкі. Яны селі толькі за тое, што не спужаліся прыйсьці. Гэта быў суд, накіраваны запужаць іх і астатніх. Ня выйдзе, сапраўды, рэакцыя атрымліваецца як раз адваротная.

( некалькі цытат працэсу )

Не забудзем!


Невялічкая рэфлексія на тэму.

Працягваючы непасрэдна мінулы допіс, а празь яго і ўсю тэму "Працэсу 14-ці"...

Пасьля спрэчак бакоў справа неўзабавае дайшла да апошніх слоў абвінавачваных.


Апошнія словы.
(Прыводзяцца вытрымкі з маналёгаў. Кожны сказ - цытата.)


( тэкст )


17:00. Судзьдзя абвясьціла судовае паседжаньне зачыненым, а вынас прысуду прызначыла на 22 красавіка, "не раньше 11:00".

Калі выходзіў з будынку суда, адзін з спэнцаназаўцаў (напэўна, самы разумны) запытаўся: "Ну чо, уже посадили?"
Непасрэдна пасьля стаялі групкай на вуліцы - прысутнічаючыя, журналісты, тыя, хто так і не патрапіў на паседжаньне. Спэцназаўцы на гэта паглядзелі хвілін пяць, а потым сталі настойліва патрабаваць, каб мы разышліся. У размовах з адным МУСаўцам у штацкам высьветліў, што, аказваецца, нават есьці сасіску ў цесьце на вуліцы ля суда нельга, бо гэта "неуважение к суду". Тым часам, з васьмі раніцы я нічога ня еў, таму мы даволі міла зь ім паразмаўлялі, пакуль я заканчваў, ну а пасьля чаго ўсё ж разышліся.


Так, безумоўна, судзьдзя як чалавек пастаўлена перад цяжкім выбарам: цалкам апраўдаць абвінавачваных (тое, што яны невінаватыя па тым угалоўным артыкулам, па якім на іх заведзена справа, відавочна), але згубіць пасаду судзьдзі, ці пайсьці на пагадненьне з сумленьнем і падтрымаць абвінаваўцу ў прапанавным пакараньні невядома за што. Што яна абярэ? Чакаць засталося зусім нядоўга.

У працяг мінулага допісу

Пачатак тэмы:
http://donjeune.livejournal.com/105970.html - судовы цырк. дзень другі.
http://donjeune.livejournal.com/106103.html - судовы цырк. дзень трэці.
http://donjeune.livejournal.com/106357.html - судовы цырк. дзень трэці.-2 Паказаньні Ігара Ледніка

Чацьверты дзень пачаўся з таго ж, з чаго пачаўся й першы,- спэцназаўцы й супрацоўнікі МУС у штацкім адмаўляліся прапускаць усіх, акрамя абвінавачваных, адвакатаў ды родных і блізкіх. Матывавалі ўсё гэта клопатамі аб тым, каб хапіла месцаў для родных. На пытаньні, хто даў такі загад, не адказвалі, пры спробах спакойна прайсьці адпіхвалі ўбок, паглядаючы нахабнымі вачыма. Аднак урэшце рэшт праз паўгадзіны большасьць з прысутнічаючых патрапіла ў залю, у тым ліку й я, адным з апошніх, якіх здолелі працягнуць.
У 11:40 (замест 11:00) паседжаньне пачалося. З боку абароны былі прыведзены тры сьведкі й было пададзена хадайніцтва аб іх допыце. Судзьдзя адказала, што судовае сьледства ў пятніцу было аб'яўлена зачыненым, пра што, дарэчы, ніхто, акрамя яе й абвінаваўцы ня чуў, а падстаў дзеля ўзнаўленьня сьледства ня маецца. Абвінавачваныя пачалі былі апратэстоўваць гэтае рашэньне, але скончылася гэта заўвагай Койпішу з занясеньнем у пратакол. Нагадаю, што судовае сьледства й допыт сьведкаў могуць быць адноўлены нават пасьля судовых спрэчак, якія пачаліся сёньня. Напрыканцы заўвага ў пратакол была зроблена й Пашкевічу.


Судовыя спрэчкі.
(Трэба заўважыць, што прыведзены тэкст не зьяўляецца цытатамі ў поўным сэньсе гэтага слова.)


( тэкст спрэчак )

Працяг - апошнія словы абвінавачваных - у наступным запісе.
Нагадаю, па словах судзьдзі, прысуд будзе вынесены "22 апреля, не ранее 11:00".

У працяг мінулага допісу.

Пад час трэцяга дня судовага паседжаньня, пасьля прагляду відэаматэр'ялаў, судзьдзя ўсё ж згадзілася дапрасіць сьведкаў з боку абароны. Вызваны былі Дар'я Гудкова, пра якую напісана некалькі слоў у мінулым запісу, а таксама Ігар Леднік. Апошні даў ня толькі вусныя, але й пісьмовыя паказаньні, якія былі далучаны ды матэр'ялаў справы. Тэкст паказаньняў вылажыў у сваім жж coipish: http://coipish.livejournal.com/370497.html

Крос-пост:

"Spadar Ji.Lednik učora davaŭ nia tolki vusnyja, ale taksama j piśmovyja pakazańni, jakija byli dałučany da materyjałaŭ uhałoŭnaj spravy. Text pakazańniaŭ pad cutam.
Tam, siarod jinšaha, prysutničaje argumentavanaje tłumačeńnie supraćzakonnaści našaha pieraśledu j tłumačeńnie abstavin dy padstaŭ taho pradprymalnickaha pratestu, jaki my padtrymali.

Г. И.Ледник вчера давал не только устные, но также и писменные показания, которые были преобщены к материалам дела. Текст паказний под катом.
В них, среди прочего, аргументированное пояснение противозаконности нашего преследования а также причины и обстоятельства того предпринимательского протеста, который мы поддержали.

( тэкст паказаньняў сьведкі І.Ледніка )

У працяг мінулага допісу.

Трэці дзень "Працэсу 14-ці".
Судовае паседжаньне пачалося зноў зь невялікім спазьненьнем, прыкладна ў 10:10.

Але дагэтуль, яшчэ перад пачаткам, ля ўваходу ў суд, побач з сабраўшыміся знаёмымі, блізкімі асуджаных і ўсімі, хто прыйшоў іх падтрымаць, была заўважана кампанія нейкіх хлапцоў, зьяўляўшыхся па чутках ці то брсмаўцамі, ці то нейкімі курсанцікамі. Тое, што яны былі ня "нашыя", бачна было так, як бачна "людзей у чорным" на мітынгах. Трохі пазьней стала відавочна, дзеля чаго іх прывезьлі на паседжаньне ў асобным аўтобусе.

Пачаўся трэці дзень зь яшчэ адной непрыемнай навіны. Пасьля першага дня, калі працэс быў фактычна зачынены для жадаючых падтрымаць абвінавачаных, паьля другога дня, калі ўсё ж згадзіліся пусьціць людзей у залю суда, на трэці дзень зьявіўся нейкі сьпіс, якім карысталіся супрацоўнікі аховы, дзеля таго, каб вырашаць, прапускаць ці не ў залю. Тым часам, увайшоўшые сутыкнуліся зь яшчэ адной праблемай: тыя самыя прывезеныя занялі амаль усе два апошнія радкі лаў. Такім чынам, з-за ўсіх гэтых перашкод у залю не патрапіла значная колькасьць людзей, у тым ліку блізкія й родныя абвінавачваных.
Як толькі пачалося паседжаньне, усе абвінавачваныя выступілі з хадайніцтвам аб тым, каб гэтую кампанію вывелі з залі суда, а замест іх дапусьцілі родных, якія павінны прысутнічаць пад час працэсу. Хадайніцтва было адхілена на падставе таго, што на паседжаньне могуць прыходзіць усе жадаючыя й не ў кампетэнцыі суда разьмяркоўваць, каму прыходзіць, а каму не.

( частка першая. Кім і відэаматэр'ялы. камэнтары, заўвагі )

13:00. Абвешчаны перапынак да 14:00.

( частка другая. правакацыі імбіцыльчыкаў. працяг прагляду. камэнтары, заўвагі )


Працяг паседжаньня ў панядзелак, пачатак у 11:00.


Што маю сказаць? Відэаматэр'ял, які павінен, напэўна, быў стаць цвіком нумара, праваліўся.

1. Галоўнае: Кім нікога ня біў. Гэта добра бачна на запісу, які, як сцьвярджалася, паказвае момант, калі Сычову нанесьлі траўму. Больш таго, менавіта Кіма цягалі за валасы, пасьля чаго ён упаў.
2. Машыны хуткай дапамогі мітынгуючыя прапускалі. Налічыў дзевяць момантаў на запісу.
3. Так, праспэкт перакрывалі. Але не на паўтары гадзіны, а ў асноўным калz падземных пераходаў, таму што спускацца туды не было ніякай магчымасьці. Ну й на плошчы Незалежнасьці, калі мітынгуючых сустрэў не Сідорскі, а АМАП, які паціснуў натоўп ад Дому Ўраду да праспэкту.
4. Так, былі перашкоды для транспратнага руху. Але кіроўцы як аўтобусаў, так і машын мелі магчымасьць разгарнуцца й паехаць па абыходных шляхах.
5. Сьведкі абвінавачаньня й пацярпелы давалі супярэчлівыя, а часам і ілжывыя паказаньні.


Таму,
перадузятаму суду ГАНЬБА,
невыконваючым свае абавязкі ахоўнікам у залі суда ГАНЬБА,
сьведкам і пацярпеламу ГАНЬБА.

Сьведак і пацярпелага НЕАБХОДНА прыцягнуць да адказнасьці за ілжывыя паказаньні.

Сёньня быў другі дзень "Працэсу 14-ці" над удзельнікамі мітынгу прадпрымальнікаў 10-га студзеня.
На гэты раз у залю дазволілі прайсьці ўсім жадаючым. За гэта трэба падзячыць па-першае саміх абвінавачваных, якія адмаўляліся заходзіць у залю, пакуль не дазволяць зайсьці астатнім, а па-другое журналістам, ведаючым куды трэба тэлефанаваць і што казаць.
У 11:20 нарэсьце пачалося судовае паседжаньне.

( пра паседжаньне, словы сьведкаў, матэр'ялы, заўвагі, камэнтары )

Як было бачна, сьведкі блыталіся ў сваіх словах, некаторыя нават ня памяталі вуліцы, дзе адбываўся мітынг, блыталі напрамкі, супярэчылі адно аднаму. Нарпыклад пра перакрыцьцё прашпэкту. Адыныя казалі пра дзьве паласы, другія пра чатыры, трція пра ўсе восем. Транспарт ці то хадзіў, ці то не. Хуткую дапамогу ці то пускалі, ці то не. І так амаль па кожным пункце. Шчыра кажучы, мяне не пакідае адчуваньне, што гэта проста паказальны працэс, каб запужаць астатніх. Штосьці кшталту таго, што адбылося з былым спэцназаўцам, які перайшоў да апазыцыі, удзельнічаў у мітынгах, а пасьля ў яго знайшлі наркотыкі й асудзілі на 10 год.
Ну што, працяг заўтра, а 10-й гадзіне. Засталіся прагляд відэаматэр'ялаў і апошнія словы.

Ну а пра першы дзень вы можаце паглядзець, напрыклад, тут. Ці тут.